「Metal Gear」系列今年都有推出新作《Metal Gear Solid V: The Phantom Pain》，游戏製作出色全球热卖不在话下，今年在 PlayStation Awards 及 The Game Awards 均有获得奖项。不过游戏开发团队主脑、创意总监小岛秀夫就冇到场领奖，何解？主持人踢爆黑幕：「Konami 律师唔畀小岛秀夫出席。」

话说早前小岛秀夫团队被 Konami「全队纤灭」后，一向都好低调。12 月 3 日举行嘅「PlayStation Awards」颁奖典礼上，《Metal Gear Solid V: The Phantom Pain》获得白金奖、玩家最爱大奖等三个奖项，不过就未见小岛秀夫现身领奖，已经引来揣测。到咗 12 月 3 日晚嘅 The Game Awards，佢同样缺席，主持人兼监製 Geoff Keighley 就爆料话：「小岛秀夫先生今晚好想嚟，不过好可惜 Konami 嘅代表律师通知佢，佢唔可以出席今晚嘅颁奖典礼，（因为）佢嘅僱员合约仍然生效。消息令人非常失望。」台下观众听完消息都嘘爆 Konami 洩愤呀。